Transcription
1
Monsieur, je nay vollu fallir vous faire entendre comme Les
2
Diguières, Champoleon, Bastien et Colombin sont à Vifz despuis hier et
3
ont esté recogneuz estre de deulx à troys centz chevaulx. Nous ne scavons
4
ny pouvons encor scavoir quel est leur desceing. Aulcuns font le bruict
5
quil leur doibt venir quelque nombre de gens de pied. Messieurs
6
du Monestier, Vaulbonoys, Chappotières et moy, nous sommes
7
assemblez cheulz monsieur le rpesident de Portes pour voir et deliberer
8
sil y pourroit avoir moien de leur donner quelque extraicte. Je croys que
9
les compagnyes de messeigneurs de Savoye, prince daulphin, comme aussy celle
10
de monsieur le compte de Beynes, avoyent commandement de vouez soy
11
rendre icy en cas de necessité, quilz nen ferroient aulcung reffuz. Et parce
12
aussy que nous pretendons avoyr bien dinfanterie icy pour les acompagnier,
13
sil vous plaisoyt mander au cappitaine La Marcousse que au
14
premier mandement quil auroyt de messieurs de la court et de moy
15
de soy rendre icy et là où nous nen aurions affaire,
16
il se rendroyt dans ung jour dicy à Romans par eau. Je
17
vous envoye une petite lettre que jay receu de monsieur de
18
Varce, laquelle pourrez veoyr. Et en atendant de voz novelles,
19
nous ferons bonne garde ; qui sera lendroict que je me
20
recommanderay humblement à votre bonne grace et prie Dieu vous donner
21
monsieur, en parfaicte santé, heureuse vye et longue. De Grenoble, ce XVIIe
22
fevrier 1574.
23
Votre très humble et aubeyssant
24
servyteur lathivolliere